Топарбаева Кайния Айтмановна

Біздің ауылда бұл керемет адамды бәрі біледі. Топарбаева Кания Айтмановна, Мәдениет ауылының  орта мектебін  бітіргеннен кейін Целиноград педагогикалық институтына оқуға түсті (1974-1979 жж.). Еңбек жолын Мәдениет орта мектебінде математика пәнінің мұғалімі болып бастаған. Бірнеше жыл Маринов ауданының комсомол ұйымын басқарды (1981-1984), сонымен қатар Маринов және Атбасар аудандарының білім бөлімінің әдіскері болып жұмыс істеді. 1993 жылдан 2016 жылға дейін Мариновка орта мектебінің оқу ісі меңгерушісі болып жұмыс істеді. Кайния Айтмановнаның  жалпы педагогикалық өтілі 45 жыл, оның ішінде 31 жыл Мариновка орта мектебінде. Кания Айтмановна -өз ісінің нағыз кәсіпқойы, ол өскелең ұрпақты тәрбиелеуге зор үлес қосты. Ол "Ы. Алтынсарин" төсбелгісімен, Д. А. Қонаев орденімен марапатталған., Қазақстан Республикасы Білім Министрлігінің құрмет грамоталарымен және алғыс хаттарымен марапатталды.